Шығыс Қазақстанда тағы да қар көшкіні түсірілді

Шығыс Қазақстан облысында жасанды жолмен қар көшкіні түсірілді, деп хабарлайды Almaty.tv.

ШҚО Төтенше жағдайлар департаменті баспасөз қызметінің мәліметіне сүйенсек, тау бөктерінде 4 рет жарылыс жасалды.

"Қар көшкінінің алдын алу шарасы облыстық маңызы бар «Өскемен-Тарғын-Самар» тасжолының 95-102 шақырымында жүргізілді. Барлығы 1145 текше метр қар түсірілді. Жолды жауып қалған қар көп ұзамай тазаланды. Қазір жол ашық тұр", - деп хабарлады ведомство өкілдері.

Наурыз айында тауда қар көшкіні қаупі арта түседі. Себебі күн күрт жылынып, қар ери бастайды. Сондықтан ТЖД қызметкерлері азаматтарды таулы жерлерге бармауға шақырды.

Оқи отырыңыз: Қазақстанда мектеп оқушыларына таңғы асқа ботқа беру тоқтатыла ма