Шымкентте арыстанның күшігін базарда сатпақ болғандар ұсталды

Depositphotos

Қылмыстық кодекске сәйкес күдікті үш жылға дейін бас бостандығынан айырылуы мүмкін

Шымкенттегі базарда "тірі тауар" - арыстанның күшігін сатпақ болғандар ұсталды, деп хабарлайды Almaty.tv тілшісі Polisia.kz-ке сілтеме жасап.

Жедел уәкіл қызметкерлері жануарды Түркістан облысының тұрғынының көлігіндегі жүк салғыштан тапқан.

"Жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен заңсыз айналысу жайты бойынша полициямен қылмыстық іс тіркелді", - делінген полиция хабарламасында.

Қазіргі таңда тергеу әрекеттері жүргізіліп жатыр. Қылмыстық кодекске сәйкес күдікті үш жылға дейін бас бостандығынан айырылуы мүмкін.

Оқи отырыңыз: Алматыда кеден зертханасының басшысы сотталды