Шомылу маусымы басталды: ТЖМ қауіпсіздік ережелерін еске салды

Қазақстанда шомылу маусымы басталды. Осыған байланысты Төтенше жағдайлар министрлігі азаматтарды су айдындарында қауіпсіздік ережелерін қатаң сақтауға шақырды, деп хабарлайды Almaty.tv.

Ведомствоның мәліметінше, жаз мезгілінде судағы қайғылы оқиғалардың алдын алу үшін қарапайым қауіпсіздік талаптарын ұмытпау қажет.

Атап айтқанда, тек арнайы жабдықталған және шомылуға рұқсат етілген орындарды таңдау керек. Сондай-ақ алкогольдік ішімдік ішкен күйде суға түсуге, жағадан алысқа жүзіп кетуге болмайды.

ТЖМ ата-аналарға балаларды су жағасында қараусыз қалдырмауды ескертті. Бұдан бөлек, су түбінің жағдайы белгісіз жерлерде сүңгу де өмірге қауіп төндіруі мүмкін.

Құтқарушылар демалыс кезінде сақтық шараларын ұстану арқылы қайғылы жағдайлардың алдын алуға болатынын атап өтті.

Қауіпсіздік ережелері:

• тек арнайы жабдықталған жағажайларда шомылу;
• мас күйде суға түспеу;
• жағадан алысқа жүзіп кетпеу;
• балаларды қараусыз қалдырмау;
• бейтаныс жерлерде суға сүңгімеу.

ТЖМ азаматтарды өз өмірі мен жақындарының қауіпсіздігіне жауапкершілікпен қарауға шақырды.

Оқи отырыңыз: 2026 жылдың шілдесінде қазақстандықтар неше күн демалады