Талдықорғанда көпқабатты үйден өрт шығып, 7 бала құтқарылды

Талдықорған қаласы Қаратал шағын ауданында 5 қабатты көп пәтерлі тұрғын үйде өрт шықты, деп хабарлайды Almaty.tv.

ТЖМ хабарлауынша, өрт бірінші қабаттағы пәтерде тіркелген, соның салдарынан кіреберісі тығыз түтінге толып қалған.

"Оқиға орнына жедел түрде ТЖД бөлімшелері келді. Құтқару барысында автосатының көмегімен жоғарғы қабаттағы терезелерден 8 адам, оның ішінде жеті бала құтқарылды. Зардап шеккендер жоқ", - делінген хабарламада.

Алдын алу мақсатында құтқарылғандардың барлығы қосымша медициналық тексеру үшін Талдықорған қаласының көп бейінді ауруханасына жеткізілді.

Қазіргі кезде өрттің себебі анықталып жатыр.

Оқи отырыңыз: Жол бойында жүрген: Ақмола облысында төрт жасар бала табылды