Талғардағы қанды оқиға: полицейлер төбелестің қалай басталғанын бейнежазбадан көрсетті

ІІМ өкілдері Талғардағы 16 жастағы Шерзат Болат қаза тапқан жерде камераға түскен видеоны көрсетті, деп хабарлайды Almaty.tv.

Кадрларда Шерзатты өлтірді деген күдікті екі бөтелке сыра мен төрт қорап темекіні сатып алғаны көрсетіледі. Телефон арқылы төлем жасайды. Күдікті  дүкенге қайта келіп, телефонын қуаттап беруін сұраған. Бірнеше минуттан кейін ол телефонын алуға қайта дүкенге кіреді.

Жанжал далада басталады.

Көп оқылған:Шерзаттың өлімі: отбасы заңгері ақша жиғандардың үстінен арыз түсірді

4 қазанда Талғар қаласындағы төбелестен бір адам қайтыс болғанын,еске салайық.

Құзырлы органдардың мәліметінше, қанды қылмысқа жауапты болып танылған  7 күдікті түнде Талғардан Алматы облысы Полиция департаментіне көшірілді. Іс жаңадан тергелетін болады. Жасөспірімнің өмірін жалмаған істі ІІМ тікелей бақылауына алды.