Алматыда қоймадағы өрт сөндіріліп жатыр

Қазіргі уақытта Алматы қаласында қойма ғимаратында шыққан өртті сөндіру жұмыстары жүргізілуде, деп хабарлайды Almaty.tv.

Алғашқы өрт сөндіру бөлімшелері оқиға орнына келген сәтте қоймада ашық жалынның бар екені анықталды. Осыған байланысты өртті сөндіру жоғары дәрежеде ұйымдастырылды.

Оқиға орнында өрт сөндіру бөлімшелерінің күштері мен құралдары жұмылдырылған: өрт оқпандары беріліп, автоцистерналар өрт гидранттарына қосылды. Өртті оқшаулау және толық сөндіру жұмыстары жалғасуда.

Қазіргі уақытта 112 жедел қызметіне зардап шеккендер туралы ақпарат түскен жоқ.