Өскеменде жаңа жол айырығы салынады

Depositphotos

Нұрымбет Сақтағанов құрылыс қарқынын бақылауда ұстап отыр

Облыс орталығында екі деңгейлі жол айырығының құрылысы жалғасып жатыр, - деп хабарлайды Almaty.tv Шығыс Қазақстан облысының әкімдігіне сілтеме жасап.

Бірінші кезең Сәтбаев даңғылын Базовая көшесімен, Жібек жолы көшесін Есенберлин даңғылымен байланыстыратын айналма жол құрылысын қамтиды. Екінші кезең Сәтбаев және Есенберлин даңғылдарын байланыстыратын құрылысты қамтиды.

Шеңберлі қозғалыс ішіндегі жұмыс мамыр соңына дейін аяқталуы тиіс.

Облыс әкімі Нұрымбет Сақтағановтың сөзінше, 1 маусымнан бастап Сәтбаев даңғылын жабуға тура келеді.

Жалпы, жаңа жол айрығы 25 қазанда пайдалануға беріледі деп жоспарланып отыр.