Меншікті өндіріс
Біз әлеуметтік желілердеміз
Ақтөбеде әскери тікұшақ апатқа ұшырап, бір адам қаза тапты
Қайғылы оқиға 9 қарашада болған
Ақтөбе облысы Сарыжар ауылының маңында Әуе қорғанысы күштері әскери институтының Ми-8 тікұшағы оқу-жаттығу ұшуларын орындау кезінде апатты жағдайда қонды, деп хабарлайды Аlmaty.tv.
Қорғаныс министрлігінің хабарлауынша, қайғылы оқиға 9 қарашада болған.
"3 экипаж мүшесінің 2-еуі ауруханаға жеткізілді. Оларға қажетті медициналық көмек көрсетілді.
Экипаж мүшелерінің бірі қаза тапты.
Авиациялық оқиғаның алдын ала себебі - техникалық ақаулық", - делінген министрлік хабарламасында.
Қазіргі кезде оқиғаның мән-жайы анықталып жатыр.
"Жергілікті жерде ведомствоаралық жедел топ жұмыс істеуде. Қарулы күштердің басшылығы мен Әуе қорғанысы күштерінің қолбасшылығы қаза тапқан әскери қызметшінің туыстары мен жақындарына көңіл айтады. Оның туыстарына, сондай-ақ зардап шеккендерге барлық қажетті көмек көрсетіледі”, - делінген хабарламада.