Жетісу облысында мас жүргізуші бас бостандығынан айырылды

Жетісу облысында мас жүргізуші өмір бойына көлік жүргізу құқығынан айырылды және түзеу мекемесіне жіберілді, деп хабарлайды Аlmaty.tv облыстық прокуратураның баспасөз қызметіне сілтеме жасап.   

Алакөл ауданында прокуратура жол қозғалысы ережесін бұзғаны үшін қозғалған қылмыстық іс бойынша осындай процесті ұйымдастырды.

Бұған дейін 10 жыл мерзімге көлік жүргізу құқығынан айырылған аудан тұрғыны мас күйінде тағы да көлік рөліне отырған.

«Сот үкімімен, аудан тұрғындарының қатысуымен, кінәлі 6 айға бас бостандығынан айырылып, өмір бойы көлік жүргізу құқығынан айырылды», - делінген хабарламада.

Оқи отырыңыз: Біреуі - бала: Петропавлда жантүршігерлік жол апатынан 4 адам қаза тапты