Жылдық қорытынды: Алматының Азаматтық орталығында дөңгелек үстел өтті

Алматы қаласының Азаматтық орталығы биыл үкіметтік емес ұйымның 1300-ден аса өкілі мен жетекшілеріне оқыту бағдарламасын өткізген. Бұл туралы бүгін жобаның жылдық қорытынды дөңгелек үстелінде айтылды, деп хабарлайды Almaty.tv.

6 жыл бұрын бастау алған «Алматы Азаматтық орталығы» бүгінде қалалық қоғамдық даму басқармасының қолдауымен жүзеге асып келеді. Азаматтық қоғам институттарының тұрақтылығын арттыруға бағытталған жоба консультациялық, әдістемелік, әрі білім беру қызметтерін ұсынады. 

«Біз үкіметтік емес ұйымдарды жүргізу, институттық даму, жобаларды іске асыру бойынша 1000-нан аса консультация өткіздік. Еліміздегі үкіметтік емес ұйымдардың үштен бірі Алматыда орналасқаны белгілі. Сондықтан олардың бастамасына қолдау білдіру,  ақпараттық көмек көрсету – біз үшін маңызды», – деді «Ақпараттық - ресурстық орталығы» қоғамдық қорының басшысы Алтынай Көбеева.

Оқи отырыңыз: Жаңаарқа ауданының бұрынғы әкімі жұмысшысын ұрып өлтірді деген күдікке ілінді