Бейжің-2022: Фристайл-могулдан әйелдер арасындағы іріктеу кезеңі аяқталды

Аlmaty.tv

Турнир ережесіне сәйкес алғашқы ондыққа енген спортшылар ғана финалға жолдама алады

Бейжіңдегі Қысқы олимпиадада фристайл-могулдан әйелдер арасындағы іріктеу кезең аяқталды, деп хабарлайды Almaty.tv тілшісі.

Ел атынан шыққан Аяулым Әміренова 16-шы, Олеся Граур 23-орынға тұрақтады. Ал Анастасия Городко жарыс жолынан шығып кеткендіктен ақтық кезеңге өте алмады.

Турнир ережесіне сәйкес алғашқы ондыққа енген спортшылар ғана финалға жолдама алады. Енді отандастарымыз 6 ақпан күні өтетін екінші іріктеу сынына қатысады.

«Бірінші трамплиннен секірген соң қате жібердім. Десе де6 бәрі жаман деп айта алмаймын. Олимпиада мерекесі сезіліп тұр, көңіл күйім жақсы», - дейді фристайл-могулдан ұлттық құрама мүшесі Олеся Граур.