Алматыға жақын маңда жер сілкінісі болды

Алматыдан Қытайға қарай 286 шақырым қашықтықта жер сілкінді, деп хабарлайды Almaty.tv.

ҚР Төтенше жағдайлар министрлігі хабарлағандай, «СОМЭ» ЖШС сейсмикалық станциялар желісі 4 сәуірде сағат 7:26-да жер сілкінісін тіркеген.

• Жер сілкінісінің энергетикалық класы – 10,0.
• MPV магнитудасы - 4,3.
• Эпицентр координаттары - 40,65° солтүстікке қарай, 77,33° шығысқа қарай.
• Тереңдігі - 5 км.
• Қабылдау туралы ақпарат (MSK-64 шкаласы бойынша) жоқ.

Еске алайық, 2 сәуірде Алматы тұрғындары 2 балдық жерасты дүмпуін сезінді. Жер сілкінісінің ошағы Алматыдан оңтүстікке қарай 17 шақырым жерде Қазақстан аумағында болды.