Шаңды дауыл, тұман, жел - дүйсенбіге арналған ауа райы болжамы

Қазгидромет 6 маусымға арнаған ауа райы болжамын жариялады, деп хабарлайды Almaty.tv.

Еліміздің басым бөлігінде құбылмалы ауа райы болжанады. Найзағаймен жаңбыр жауып, бұршақ, дауыл, батысында қатты жаңбыр күтіледі. Тек еліміздің оңтүстік-батысында, солтүстігінде жауын-шашынсыз ауа райы болады. Республика бойынша желдің күшеюі, солтүстігінде, шығысында – тұман, оңтүстік-батысында – шаңды дауыл соғады. 

Түнде Шығыс Қазақстан облысының солтүстік-шығысында, шығысында найзағай, тұман, оңтүстік-батысында, оңтүстігінде желдің күшеюі 15-20 м/с күтіледі. Алматы облысының шығысында желдің күшеюі 15-20, екпіні 25 м/с, күндіз таулы аудандарда найзағай күтіледі. Қостанай облысының батысында, оңтүстігінде найзағай, күндіз облыстың шығысында жел 15-20 м/с соғады. Ақмола облысының оңтүстігінде, батысында найзағай, түнде және таңертең облыстың солтүстігінде – тұман, күндіз облыстың батысында – жел 15-20 м/с күтіледі. Жамбыл облысының солтүстік-шығысында, таулы аудандарында жел 15-20 м/с күшейеді, күндіз облыстың таулы аудандарында найзағай, бұршақ, дауыл соғады. Күндіз Түркістан облысының тауларында найзағаймен бірге жел 15-20 м/с күшейеді. 

Түнде Павлодар облысының солтүстігінде тұман күтіледі. Күндіз Маңғыстау облысының орталығында, солтүстігінде найзағай, шаңды дауыл күтіледі, күндіз солтүстікте, оңтүстікте, облыстың орталығында жел 17-22, екпіні 25 м/с күшейеді. Түнде Ақтөбе облысының солтүстігінде, оңтүстігінде найзағай, жел 15 м/с күтіледі. Қарағанды облысының орталығында, шығыссында найзағай, желдің күшеюі 15-20 м/с күтіледі. Батыс Қазақстан облысының оңтүстігінде, солтүстік-батысында, орталығында найзағай, бұршақ, дауыл күтіледі, күндіз оңтүстігінде, солтүстік-батысында, шығысында, орталығында желдің күшеюі 15-20 м/с болады. Күндіз Атырау облысының оңтүстігінде және орталығында – найзағай, дауыл, желдің күшеюі 15-20 м/с күтіледі. 

Түнде және таңертең Солтүстік Қазақстан облысының оңтүстігінде – тұман түседі. Күндіз Атырау облысында, Ақтөбе облысының оңтүстігінде қатты ыстық болады. Батыс Қазақстан облысының оңтүстігінде, Ақтөбе облысының солтүстігінде, орталығында, Павлодар облысының орталығында төтенше өрт қаупі сақталады.