Қолайсыз ауа райы: Алматыда бұршақ жаууы мүмкін

Алматы қаласының ТЖ департаменті "Қазгидромет" 27 тамыздағы №18 дауылды ескертуінің негізінде 28 тамызда күндіз кей уақытта қатты жаңбыр, найзағай, бұршақ болуы мүмкін, деп хабарлайды Almaty.tv тілшісі Алматы қаласының Төтенше жағдайлар департаментіне сілтеме жасап.

Оңтүстік-батыс жел 3-8, найзағай кезінде екпіні 15-20 м/ с.

ТЖД қала тұрғындарына көліктерді ағаштың астында қалдырмауды сұрайды!

Сондай-ақ жел күшейген кезде:

- ғимараттардан шығуды шектеу (мүмкіндігінше үй-жайда болу);

- егер үйде болсаңыз, терезелер мен есіктерді мықтап жабыңыз. Ауладан, ашық балкондардан және лоджиялардан үйіңізге зиян келтіруі мүмкін тұрмыстық заттарды алып тастаңыз;

- көшеде жүргенде жақын кіреберісте немесе дүкенде жасырынуға тырысыңыз.

Сіз билбордтардың, ағаштардың астында, аяқталмаған ғимараттарда, сондай-ақ үйлердің қабырғаларында жасырынуға болмайды, өйткені шатырлардан шифер мен басқа шатыр материалдарының құлауы мүмкін;

- қатты жел кезінде электр беру желілерінің астында тұру және үзілген электр сымдарына жақындау өте қауіпті;

"Алматы тауларында гляциалды (мұздық) және нөсерлі сипаттағы сел қаупі сақталады. Гидрометеорологиялық және сел жағдайының талдауына сәйкес, қатты жаңбыр жауған кезде сел құбылыстары болуы мүмкін.

Құрметті туристер, Алматы қаласының тұрғындары мен қонақтары: сел тасқынына қалып қалған жағдайда, құтқарылуға мүмкіндік жоқ. Сел тасқыны қаупіне байланысты Іле-Алатау тауларына бармауды сұраймыз", - делінген хабарламада.

Оқи отырыңыз: Шымкентте бұршақ жауды