Батыс Қазақстанда табиғаттың таңғажайып құбылысы болды

Ресейлік фотограф Андрей Тюшин Батыс Қазақстан облысында табиғаттың таңғажайып құбылысына куә болған, деп хабарлайды Almaty.tv тілшісі ҚазАқпаратқа сілтеме жасап.

Андрей Тюшин Instagram парақшасында мәлім еткендей, оқиға 23 сәуірден 24-іне қараған түні болған.

«Поляр шұғыласы туралы айтқанда, біз бірден Исландия, Финляндия, Ресейдің қиыр солтүстігі туралы ойлаймыз. Қазақстанды еске алмаймыз. Бірақ 23 сәуірден 24-іне қараған түні жерде қуаты орасан магниттік дауыл тұрып, поляр шұғыласын Қазақстанға дейін жеткізді! Маған бүгін түнде Оралдың (БҚО) оңтүстігіне қарай 30 шақырым қашықта Қазақстан даласындағы бірегей көрініс – Аврора биін тамашалау бақыты бұйырды», - деп жазды Андрей Тюшин парақшасында.

Ресейлік фотограф демалыс алып, Батыс Қазақстан облысына келген.