|
06.06.2023 | 13:58
22002

Алматыда күн 37 градусқа дейін ысиды

Осыған байланысты Алматы қаласы ТЖД қала тұрғындары мен қонақтарын күн астында көп серуендемеуге шақырды

Алматыда күн 37 градусқа дейін ысиды ашық дереккөзден

Алматыда 7-9 маусым аралығында күн 35-37 градусқа дейін ысиды, деп хабарлайды Almaty.tv.

Алматы қалалық ТЖД мәліметінше, Қазгидромет ұсынған мәліметке сәйкес 7-9 маусым күндері Алматыда ауа температурасы 35-37 градусқа дейін көтеріледі.

Осыған байланысты Алматы қаласы ТЖД қала тұрғындары мен қонақтарын күн астында көп серуендемеуге шақырды.

«Күн сәулесі тікелей түсетін жерлерге бармаңыз. Сағат 12:00-ден 16:00-ге дейін күн қатты ысиды. Денені күн сәулесінен қорғап, жабық киім киюге тырысыңыз және күннен қорғайтын крем жағыңыз», - деп ескертеді мамандар.

Сонымен қатар:

- Алкогольді ішімдік ішпеңіз – алкоголь ыстықта ағзаға тез әсер етеді;

- Сұйықтықты (салқын су, минералды су) мүмкіндігінше көп ішуге тырысыңыз;

- Дене шынықтырумен айналыспаңыз. Қатты жүктеме ыстықта жылу алмасуды арттырады да ағзаны сусыздануға әкеліп соқтырады;

- Автокөлікпен ұзақ сапарға шықпаңыз, егер бұл мүмкін болмаса, жолда мүмкіндігінше абай болыңыз, себебі аптап ыстықтан адам өзін өзі нашар сезінуі мүмкін және реакция төмендейді;

- Балаларды автокөліктің ішінде аз уақытқа болса да қалдырмаңыз. Қатты ыстықта бала есінен танып қалуы мүмкін.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир