Маусымда Қазақстандағы ауа райы қандай болады

Маусымда республиканың басым бөлігінде орташа айлық ауа температурасы норма шамасында, батыста және елдің оңтүстік жартысында нормадан 1°С жоғары болады, деп хабарлайды Almaty.tv тілшісі Қазгидрометке сілтеме жасап.

Маусымда жауын-шашын мөлшері республиканың басым бөлігінде норма шамасында, Атырау, Маңғыстау облысында, Батыс Қазақстан облысының басым бөлігінде, Қызылорда облысында, Ақтөбе облысының оңтүстік-батысында нормадан аз болады.

Маусымда атмосфералық фронттардың өтуіне байланысты жаңбыр кей күндері қатты жаңбыр, найзағай, бұршақ, қатты жел болуы мүмкін.

Маусымның бірінші онкүндігінде Қазақстанның солтүстік, орталық, шығыс және оңтүстік-шығыс облыстарында Жерорта теңізінің шығыс жағалауынан және Орта Азиядан жылы ауа массаларының шығуына байланысты ауа температурасы жоғарылайды:

• еліміздің солтүстігінде, орталығында түнде +2+10°С-тан +12+20°С-қа дейін, күндіз +13+20°С-тан +22+30°С-қа дейін;
• шығыста түнде +2+7°С-тан +13+18°С-қа дейін, күндіз +13+18°С-тан +23+30°С-қа дейін;
• оңтүстік-шығыста түнде +7+12°С-тан +12+20°С-қа дейін, күндіз +22+30°С-тан +25+37°С-қа дейін;
• Батыс және оңтүстік аймақтарда температураның негізгі фоны болжанады:
• елдің батысында, солтүстік-батысында (Ақтөбе облысы) түнде +15+25°С, күндіз +25+38°С;
• оңтүстік-батыста түнде +20+28°С, күндіз +30+39°С;
• оңтүстік өңірлерде түнде +12+17°С, күндіз +27+38°С.

Бірінші онкүндіктің соңында елдің басым бөлігінде аптап ыстық бәсеңдеуі мүмкін. Маусымның екінші және үшінші онкүндігінде ауа температурасының солтүстік, орталық және шығыс облыстарда күндіз +20+25°С-тан +30+38°С-қа дейін, ал батыс, оңтүстік өңірлерде 25+30°С-тан 34+39°С-қа дейін ауытқиды.

Оқи отырыңыз: Алматы қаласы бойынша 3-9 маусым аралығындағы ауа райы болжамы