СҚО-ның бірнеше ауданында боранға байланысты жолдар жабылды

Солтүстік Қазақстан облысының бірнеше ауданында боранға байланысты жолдар жабылды, деп хабарлайды Almaty.tv тілшісі ҚазАқпаратқа сілтеме жасап.

СҚО төтенше жағдайлар департаментінің хабарлауынша, бүгін сағат 11:00-ден бастап Айыртау, Есіл, Мағжан Жұмабаев, Мамлют, Тимирязев және Ғ.Мүсірепов атындағы аудандарда облыстық маңызы бар жолдар жабылды. 

Өңірде ауа райы бұзылып, боран басталды. 112 қызметі ертең 4 наурызға боранға байланысты ескерту жариялап, хабарлама жіберді. Мамандардың айтуынша, желдің екпіні секундына 25 метрге дейін жетпек. 

Сондай-ақ қалың тұман түсіп, көктайғақ болмақ.