|
08.12.2021 | 15:38
1068

Елімізде алдағы күндері 35 градусқа дейін аяз болады

9 желтоқсанда ел аумағының басым бөлігі антициклонның ықпалында қалып, ауа райы жауын-шашынсыз болады

Елімізде алдағы күндері 35 градусқа дейін аяз болады  Фото: ашық дереккөзден

Қазгидромет 9-11 жетоқсанда ауа райы қандай болатынын болжады, деп хабарлайды Almaty.tv.

Синоптиктердің мәліметінше 9 желтоқсанда ел аумағының басым бөлігі антициклонның ықпалында қалып, ауа райы жауын-шашынсыз болады.

Осылайша түнде Қазақстанның солтүстігінде, шығысында және орталығында ауа температурасы 20-25, кей жерлерде 30 градусқа дейін, 10 желтоқсанда Шығыс Қазақстан облысының солтүстік-шығысында 35 градусқа дейін төмендейді деп болжанып отыр.

Елдің батыс өңірлеріне Қара теңіз аймағынан ығысатын циклон әсер ете бастайды. Ол кейінгі екі тәулікте республиканың қалған аумақтарына — шығысқа қарай ауысады, жаңбыр, қар жауып, көктайғақ болады, жел 15-25 м/с күшейеді.

11 желтоқсанның түнінде республиканың солтүстік жартысында ауа температурасы 5-10, кей жерлерде 15-20 градусқа дейін төмендейді, Шығыс Қазақстан облысының солтүстік-шығысында 25 градусқа дейін аяз болады деп болжанып отыр.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир