Алматыда қалыңдығы 20 сантиметрге дейін қар жауады, деп хабарлайды Almaty.tv.
Дүйсенбі 12 ақпанда сағат 09.00-ден 21.00-ге дейін Алматыда қалыңдығы 20 см-ге дейін қалың қар жауады, бұл ақпандағы орташа айлық жауын-шашынның шамамен 40 пайызын құрайды.
Осыған байланысты қаланың коммуналдық қызметтері толық дайындыққа келтірілді. Көше-жол желілерінен қар шығару жұмыстары аяқталды. Қысқы кезеңде барлығы 226 мың м3 қар шығарылды.
12 ақпанда таңертең күшейтілген арнайы техника қардан тазарту жұмыстарына деп жоспарланып отыр, сондай-ақ 600 техника және 1220 жол жұмысшысы жұмылдырылады.
Көктайғақ құбылыстарының алдын алу мақсатында қар жауатын негізгі магистральдық көшелерді көктайғаққа қарсы сұйық реагентпен алдын ала өңдеу жоспарлануда. Дислокация орындарында қар жауғанға дейін 172 құм таратқыштың кезекшілігі ұйымдастырылады, көктайғақты болдырмау үшін қала көшелеріне көктайғаққа қарсы материалдар себіледі. Жауған қарды тазарту үшін 15 колонна ұйымдастырылады, олармен бірге жол полициясының патрульдік машиналары еріп жүреді.
Тротуарларды, жалпы пайдаланылатын орындарды, кіреберістерді тазалау үшін әлеуметтік маңызы бар объектілерге 176 шағын көлемді техника бірлігі тартылатын болады.
Аудан әкімдіктерінде қар тазалау жұмыстарының жүргізілуін бақылау бойынша тәулік бойы кезекшілік ұйымдастырылады.
Оқи отырыңыз: Қазақстанда маска тағу режимі қайта оралды
