"Қазгидромет" қыркүйекке арналған ауа райы болжамын жариялады, деп хабарлайды Almaty.tv.
Алдағы күндері республиканың басым бөлігінде жаңбыр, найзағай және екпінді жел болады. Еліміздің солтүстігінде, шығысында және оңтүстік-шығысында кейде қатты жаңбыр жауып, оңтүстік-шығысындағы таулы аудандарда жауын-шашын болады. 5 қыркүйекте қатты жауын-шашын жаңбыр мен жылбысқы қар түрінде болады. Еліміздің солтүстік-батысында, солтүстігінде, шығысында және орталығында түнгі және таңертеңгі уақытта тұман болады деп болжануда. Еліміздің солтүстігінде, солтүстік-батысында, орталығында ауа температурасы түнгі уақытта 2-10 градус жылы, күндіз 10-20 градусқа дейін аздаған жоғарылауы күтілуде.
