Еліміздің бірнеше өңірінде ауа райына байланысты ескерту жарияланды

Қазақстанның бірнеше өңірінде ауа райына байланысты ескерту жариялады, деп хабарлайды Қазгидромет.

19 сәуір күні түнде Ақмола облысының бірқатар өңірлерінде бұрқасын болуы мүмкін. Солтүстік-шығыстан соғатын жел екпіні кей жерлерде 15-20 м/с дейін жетеді.  

Осы күні Нұр-Сұлтан қаласында қатты жел тұрады. Желдің қарқыны секундына  9-14, күндіз 15-20 метрге дейін күшейеді.    

19 сәуірде Қостанай облысының кей жерлерінде көктайғақ болып, тұман түседі. Солтүстік-шығыстан екпіні 15-20 м/с болатын қатты жел тұрады.

Қостанай қаласында 19 сәуірде солтүстік-шығыстан соққан желдің жылдамдығы 15-20 м/с жетеді.  

19 сәуірде Қызылорда облысында оңтүстік-батыстан соғатын жел солтүстік-батысқа ауысады, жел күші 15-20, кей жерлерде 23-28 м/с болады. Түнде бірқатар аймақта көктайғақ болып, найзағай ойнауы мүмкін.

19 сәуір күндіз Түркістан облысының кей жерлерінде қатты жаңбыр жауып, найзағай жарқылдап, бұршақ жаууы ықтимал. Оңтүстік-батыстан, солтүстік-батыстан соғатын желдің екпіні 15-20, 23-28 м/с дейін күшейеді.

Осы күні Шымкент қаласында найзағай жарқылдайды. Оңтүстік-батыстан, солтүстік-батыстан соғатын желдің жылдамдығы секундына 15-20 метрге жетеді.

Түркістан қаласында да найзағай жарқылдайды. Оңтүстік-батыстан және солтүстік-батыстан қатты жел соғады.

19 сәуірде Ақтөбе облысының оңтүстігінде тәулік бойы жауын-шашын болады (көбінесе қар), жаяу бұрқасын, көктайғақ болуы мүмкін. Солтүстік-шығыстан жел соғады. Жел екпіні 15-20, түнде 23 м/с дейін күшейеді.

Ақтөбе қаласында солтүстік-шығыстан, солтүстіктен жел соғады, екпіні 15 м/с дейін жетеді.