Синоптиктер 12 қазанда Қазақстанның бірнеше өңірінде найзағай ойнап, қар аралас жаңбыр жауатынын болжады, деп хабарлайды Almaty.tv.
Түркістан облысының солтүстігінде, батысында нөсер жаңбыр жауып, найзағай ойнайды. Солтүстік-батыстан жел соғады, таңертең және күндіз облыстың оңтүстігінде, солтүстігінде, батысында, таулы және тау бөктерлі аудандарында күші 15-20, екпіні 23 м/с болады.
Шымкентте солтүстік-батыстан жел соғады, таңертең және күндіз екпіні 15-20 м/с-ке жетеді.
Атырау облысының шығысында жауын-шашын (жаңбыр, жылбысқы қар) мол түседі. Солтүстік-батыстан жел соғады, облыстың шығысында 15-20 м/с болады.
Батыс Қазақстан облысының солтүстігінде, шығысында тұман түседі. Солтүстік-батыстан, батыстан жел соғады, күндіз облыстың батысында, солтүстігінде екпіні 15-20 м/с болады.
Қызылорда облысының басым бөлігінде жаңбыр жауады. Жел солтүстіктен, солтүстік-батыстан соғады, облыстың орталығында күндіз күші 15-20 м/с-ке жетеді.
Ақмола облысының батысында, солтүстігінде тұман түседі. Оңтүстік-батыстан соғатын жел солтүстік-шығысқа ауысады, күндіз облыстың оңтүстік-шығысында екпіні 15-20 м/с болады.
Солтүстік Қазақстан облысының оңтүстігінде тұман түседі. Оңтүстік-батыстан жел соғады, күндіз облыстың солтүстігінде, батысында екпіні 15-20 м/с-ке жетеді.
Ақтөбе облысының солтүстігінде тұман. Түнде облыстың солтүстігінде 2 градус үсік болады.
Маңғыстау облысының солтүстігінде, шығысында жауын-шашын (жаңбыр, қар) мол түседі. Солтүстік-батыстан, солтүстіктен жел соғады, облыстың батысында, оңтүстігінде, орталығында 17-22 м/с болады.
