Павлодарда мектеп асханасының тамағынан құрт шықты

vseobovsem_pvl

Бұл жағдайды облыстық білім беру басқармасы тіркеп, бақылауға алды

Әлеуметтік желіде Мұхтар Әуезов атындағы орта білім мектебінің асханасында берілген ботқа мен котлеттің ішінде құрты бар фото таралып кетті, деп хабарлайды Almaty.tv тілшісі pavlodarnews.kz-ке сілтеме жасап.

Оны оқушы өзінің анасына жіберген.

"Ботқаның ішінде тірі жеміс құрты табылды. Әкімшілік, оқушылардың өзін-өзі басқаруы және ата-аналар қауымының өкілі жедел тексеріске шыққан болатын. Оның қорытындысы бойынша ботқа дайындалған жарманың бұзылмағаны анықталды. Ботқа да жаңадан пісірілген еді", - деп жауап берді М. Әуезов атындағы орта білім мектебінде.

Бұл жағдайды облыстық білім беру басқармасы тіркеп, бақылауға алды. Сондай-ақ облыстық санитарлық-эпидемиологиялық бақылау департаментіне хат жолдайды.