Алматыда көктайғақ күтілуде

16.10.2024 19:22

Бұл жұмысқа 10 мердігер ұйым, 841 техника және 1405 жұмысшысы жұмылдырылды

Қала әкімдігінің баспасөз қызметі

Алматыда 14 қазаннан бастап жауын-шашын түсе бастады, аракідік жаңбыр жауады. «Қазгидромет» РМК-ның болжауынша, ертең, 17 қазанда қар жаууы мүмкін. Күн райының суытуына байланысты ауа температурасы төмендеп, көктайғақтың пайда болуына әкелуі мүмкін, деп хабарлайды Almaty.tv.

Көктайғақ қаупіне байланысты, әсіресе әл-Фараби даңғылынан жоғары аймақтарда көлік иелері қауіпсіздік үшін жазғы дөңгелектерін қысқыға ауыстырғаны жөн. 

Коммуналдық қызметтер көктайғаққа қарсы жұмыстарды жедел жүргізуге дайын. Бұл жұмысқа 10 мердігер ұйым, 841 техника және 1405 жұмысшысы жұмылдырылды. Көктайғаққа қарсы 76 тонна материал дайындалған.

Жолда көктайғақ болуы мүмкін, сондықтан жүргізушілер жылдамдықты азайтып, көлік арақашықтығын сақтап, шұғыл бұрылмауы керек, өйткені апат қаупі жоғарылайды. Жаяу жүргіншілер де тротуарларда жұқа мұздың пайда болу қаупіне байланысты абай болуы қажет.
Оқи отырыңыз: Алматыда 14-20 қазан аралығында ауа райы қандай болады

Теги: ауа райы қолайсыз ауа райы көктайғақ Алматы город Алматы мегаполис коммунальщики коммунальные службы погода погода Алматы погода в Алматы непогода зима гололед Казгидромет снег дожди дороги Алматы Дороги пешеходы автомобили машины
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
ҚазҰАЗУ-дан 43,8 млн теңге жымқырылған: лауазымды тұлғалар сотталды