Алматыдан 234 шақырым қашықтықта жер сілкінді

Зілзала ошағы Алматыдан оңтүстік-батысқа қарай 234 шақырым жерде Қырғызстан аумағында орналасқан, деп хабарлайды Almaty.tv.

12 мамыр күні таңертең Астана уақытымен сағат 06:33–те ҚР ТЖМ «Сейсмологиялық бақылаулар мен зерттеулердің ұлттық ғылыми орталығы» ЖШС-нің сейсмикалық станциялар желісі жер сілкінісін тіркеді. 

Сейсмологтердің мәліметінше, жер сілкінісінің координаттары 41,682° с. е. және 74,960° ш. б., ал тереңдігі 10 км құраған.

Жер сілкінісінің магнитудасы MPV шкаласы бойынша 4,8-ге жетті, ал энергетикалық класы 10,4 болды.

Қазақстанның елдімекендерінде есептік қарқындылығы байқалған жоқ.

Оқи отырыңыз: Алматыда 12-18 мамыр аралығында ауа райы қандай болады