Шаңды дауыл, жаңбыр: алдағы үш күнде ауа райы қандай болады

Қазгидромет 11, 12, 13 қыркүйекке арналған ауа райы болжамын жариялады, деп хабарлайды Almaty.tv.

Оңтүстіктен басқа өңірлерде күн салқындап, жаңбыр жауады. 11 қыркүйекте солтүстікте, 11-12 қыркүйекте шығыста, 11-13 қыркүйекте Қазақстанның орталығында қатты жаңбыр жауады, солтүстік пен шығыста бұршақ жауып, жел соғады.

Республика бойынша жел күшейеді, солтүстік-батыста, солтүстікте, шығыста, орталықта түнгі және таңғы уақытта тұман түседі. Елдің оңтүстігінде шаңды дауыл тұрады.

Ауа температурасы төмендейді:

• Батыста түнде +5…+16°С, күндіз +15…+25°С;
• Солтүстік-батыста түнде +1…+11°С, күндіз +8…+20°С;
• Солтүстікте түнде +1…+7°С, күндіз +8…+16°С;
• Орталықта түнде +1…+10°С, күндіз +10…+20°С;
• Шығыста түнде +1…+11°С, күндіз +15…+23°С-қа дейін жылынады;
• Оңтүстікте түнде +12…+20°С, күндіз +23…+33°С-тан +25…+35°С-қа дейін ауытқиды;
• Оңтүстік-шығыста түнде +12…+17°С, күндіз +24…+32°С.

Оқи отырыңыз: Алматыда 8-14 қыркүйек аралығында ауа райы қандай болады