|
02.11.2019 | 11:17
1766

Ташкентте ШЫҰ Үкімет басшылары кеңесінің отырысы өтуде

Кездесуге Қазақстан тарапынан ҚР Премьер-Министрі Асқар Мамин қатысуда

Ташкентте ШЫҰ Үкімет басшылары кеңесінің отырысы өтуде

Ташкентте Шанхай ынтымақтастық ұйымына мүше елдердің Үкімет басшылары кеңесінің отырысы өтіп жатыр, деп хабарлайды ҚазАқпарат.

Кездесуге Қазақстан тарапынан ҚР Премьер-Министрі Асқар Мамин қатысуда. Оның алдында ол ӨР Президенті Шавкат Мирзиеевпен кездесіп, Ауғанстан Премьер-Министрі Абдулла Абдулламен келіссөздер жүргізген.

Кездесуде ШЫҰ елдерінің үкімет басшылары көп жақты форматта сауда-экономикалық, гуманитарлық ынтымақтастық перспективаларын, инвестиция, көлік, өнеркәсіп, қоршаған ортаны қорғау, ауыл шаруашылығы, цифрландыру мәселелерін талқылады.

ШЫҰ ҰБК отырысының күн тәртібінде — ШЫҰ мүше мемлекеттерінің сауда-экономикалық және инвестициялық салалардағы одан әрі өзара іс-қимылының перспективалары мен өзекті мәселелері.

Қорытындысы бойынша сауда, ауыл шаруашылығы, экология, цифрландыру, транзит және көлік салаларында бірқатар құжаттарға қол қою жоспарланған. Жалпы, отырыста 14 құжатқа қол қойылмақ.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир