Танымал спортшы Алматы әкімінің кеңесшісі болды

Танымал қазақстандық спортшы әрі қоғам белсендісі Уалихан Тен Алматы қаласының әкімі Бақытжан Сағынтаевтың штаттан тыс кеңесшісі болды, деп хабарлайды tengrinews.kz.

Теннің екі жоғарғы білімі бар. Ол энергетика және байланыс институтын, сондай-ақ Спорт және туризм Академиясын бітірген. Тен - пауэрлифтинг бойынша Әлем, Еуропа және Азия чемпионы, бодибилдингтен ҚР чемпионы, екі дүркін әлем және Азия чемпионы, пауэрлифтинг бойынша Еуропа чемпионы, бірнеше дүркін Ironman, ММА аралас жауынгерлік жекпе-жек федерациясының бас директоры.

Сондай-ақ, ол Almaty Triathlon Federation қоғамдық бірлестігінің және "Бірінші болу батылдық!"(Алматы марафоны) корпоротивтік қорының қамқоршылық кеңестерінің мүшесі.  

2015 жылы спортшы көпжылдық тәжірибе негізінде "Другой ты!" кітабын жазды, онда дене шынықтыру, тамақтану, күн тәртібі және т.б. сабақтар бойынша ұсыныстар айтылды. Кітап "Манн, Иванов және Фербер" ірі мәскеулік баспамен басылып, ТМД елдеріндегі бестселлер болды.