Меншікті өндіріс
Біз әлеуметтік желілердеміз
Даулы мәселелерді құқық қағидаттарына сай бейбіт жолмен шешуіміз қажет – Президент
Мемлекет басшысының пайымынша, проблемаларды созбаққа салу мен жылы жауып қою шиеленіске бастауы мүмкін
Қырғызстанның Шолпан-Ата қаласында Шолпан-Ата қаласында Орталық Азия мемлекеттері басшыларының IV Консультативтік кездесуі өтіп жатыр, деп хабарлайды Almaty.tv.
"Біз, мемлекеттердің көшбасшылары өңірлерде әлі сақталып отырған тұрақсыздық факторларын барынша жою үшін қолдан келгеннің бәрін жасауға тиістіміз. Мемлекетаралық шекарадағы әр атылған оқ қамтылған елдерде ғана емес, бүкіл өңірде ауыр дүмпуін қалдырады. Керісінше, дәл қазіргі дағдарыс жағдайында біздің мемлекеттеріміз өркениетті, қарама-қайшылықтарды жеңіп шығуға жауапты екендерін анық көрсетуі тиіс", - деді Президент.
Мемлекет басшысының айтуынша, шекара мәселесі өте маңызды.
"Біз өз тәжірибемізден шекараны заңды тұрғыда рәсімдеу процесі айтарлықтай қиын әрі күрделі екенін білеміз. Даулы мәселелерді шешу шынайы көршілік рухтың нағыз бейбіт жолы және халықаралық құқықтың іргелі қағидаттарын сыйлау арқылы ғана мүмкін болады. Оның басқа баламасы жоқ", - деді Қасым-Жомарт Тоқаев.