Президент сайлауы: кандидаттарға қандай талаптар қойылады

Ертең Қазақстанда Президент сайлауына үміткерлерді ұсыну басталады, деп хабарлайды Almaty.tv тілшісі Aikyn.kz-ке сілтеме жасап.

Кандидаттарға қойылатын талаптар:

- Қазақстан Республикасының азаматы болуы;

- Қазақстан Республикасының аумағында соңғы 15 жыл бойы тұруы;

- Жоғары білімінің болуы;

- Жасы 40-қа толған болуы;

- Белсенді сайлау құқығының болуы;

- Мемлекеттік қызметте немесе сайланбалы лауазымда кемінде 5 жыл жұмыс тәжірибесінің болуы;

- Мемлекеттік тілді еркін меңгеруі.

«Қазақстан Республикасының Президенті лауазымына кандидаттарды ұсыну 23 қыркүйекте басталып, 11 қазан күні сағат 18.00-де аяқталады. Президенттікке кандидаттарды қолдау облыстар, республикалық маңызы бар қалалардың және Астананың кем дегенде 2/3 атынан теңдей өкілдік ететін сайлаушылардың санының кем дегенде 1 пайызының қолын жинаумен куәландыруы тиіс. Қол қою парақтарын беру кандидаттың Конституция мен Конституциялық заңның талаптарына сәйкестігін анықтағаннан кейін 5 күн ішінде жүргізіледі», – деді Орталық сайлау комиссиясы төрағасының орынбасары Константин Петров.