|
30.11.2018 | 13:56
3301

Назарбаев қазақстандықтарды Тұңғыш президент күнімен құттықтады

Назарбаев қазақстандықтарды Тұңғыш президент күнімен құттықтады

Нұрсұлтан Назарбаев қазақстандықтарды келе жатқан Тұңғыш президент күнімен құттықтады. Ол бұл мерекенің белгілі бір есімдерге қатысы жоқ екенін, қазақстандықтар 27 жыл бұрын тәуелсіз ел тарихындағы алғашқы президенттерін таңдағанын айтты, деп хабарлайды NUR.KZ.

Мемлекет басшысы бұл мейрамның барша халық үшін қуанышты күн екенін айтты. Ол қайсарлық халықтың саны мен елдің ұлылығында емес, ұлттық рухта екенін жеткізді.

Осыған қатысты Елбасы 16 млн ғана вьетнамдықтардың өз рухтарының арқасында ірі держава, қарумен және техникамен қамтамасыз етілген АҚШ әскерін жеңіп кеткенін мысалға келтірді.

«Өз елін қорғау-барша халықтың міндеті. Біздің ата-бабаларымыз жерімізді ештеңеден қаймықпай, ерлікпен қорғаған. Бізде де сол рух болуы керек», - деді президент.

Сондай-ақ, Нұрсұлтан Әбішұлы Қазақстан халқы ұлттық белгілерді айшықтамау керегін, біз барлығымыз қазақстандықтар екенімізді атап өтті.

«Қазақстанда көптеген этностар тұрады, өйткені тарихта да солай болған. Біз барлығымыз осы елдің азаматтарымыз. Мысалға алсақ, Римде ұлт емес, азаматтық маңызды рөл атқарған. Онда ұлттар емес, тек қана Рим азаматтары ғана болған.

Біз, қазақстандықтар, қазақтар кең-байтақ жерімізде қанша мәдениеттің орныққанын білеміз. Олардың қатарында ғұндар, сақтар, Түрік империясы, Шыңғысханның қаптаған қолы да бар. Отанымызда осындай көп тарих мен мәдениет болғандықтан біз толеранттылық пен құрметтеуді сіңірген халықпыз», - деді мемлекет басшысы.

Одан бөлек, Елбасы Қазақстан Қорғаныс министрлігін «Жас сарбаз» қоғамдық қозғалысының құрылуымен құттықтады.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир