Меншікті өндіріс
Біз әлеуметтік желілердеміз
Президент қоғамдық даму министрі Дархан Қыдырәліге қандай тапсырма берді
Сонымен қатар Мемлекет басшысына атқарылып жатқан жұмыстары жөнінде баяндады
Президент Ақпарат және қоғамдық даму министрі Дархан Қыдырәліні қабылдады, деп хабарлайды Almaty.tv тілшісі Ақордаға сілтеме жасап.
Дархан Қыдырәлі:
▪️министрліктің ақпарат, қоғамдық даму, дін және этносаралық қатынастар, азаматтық сектор, сондай-ақ жастар және отбасы саясатын жүзеге асыру бағытында атқарып жатқан жұмыстары жөнінде баяндады;
▪️министрлік өз жұмысында отандық телесериалдар өндірісі көлемін ұлғайтып, оларды шетелге таратуға, медиа сауаттылықты арттыруға, сондай-ақ азаматтық қоғаммен өзара қарым-қатынасты жандандыруға айрықша мән беріп отырғанын жеткізді.
Мемлекет басшысы министрлік азаматтық қоғам институттарымен барлық деңгейдегі байланысты күшейтіп, әр саладағы өзекті мәселелерді қоғаммен кең көлемде талқылауға ашық болуы қажет екенін атап өтті.
Қасым-Жомарт Тоқаев Дархан Қыдырәліге жастар саясатына қатысты бағдарламаларды тиімді жүзеге асыруды, діни бірлестіктер мен этносаралық қарым-қатынас бағытын айрықша назарда ұстауды тапсырды.