Мемлекет басшысы Ресей Президенті Владимир Путинмен телефон арқылы сөйлесті

Мемлекет басшысы Қасым-Жомарт Тоқаев Ресей Президенті Владимир Путинмен телефон арқылы сөйлесті, деп хабарлады Almaty.tv тілшісі Ақордаға сілтеме жасап.

"Телефон арқылы әңгімелесу барысында Қазақстан-Ресей стратегиялық серіктестігінің өзекті мәселелері талқыланды", – делінген хабарламада.

Тараптар сауда-экономикалық, энергетикалық және басқа да салалардағы байланысты одан әрі дамыта түсудің маңыздылығын атап өтті.