Мәсімов Назарбаев жайлы кітап жазғысы келетінін айтты

ҚР Ұлттық қауіпсіздік комитетінің басшысы Кәрім Мәсімов республикалық БАҚ өкілдеріне берген сұхбатында Қазақстанның Тұңғыш Президенті Нұрсұлтан Назарбаев туралы кітап жазу ниеті бар екенін айтты, деп хабарлайды ҚазАқпарат.

«Нұрсұлтан Әбішұлы - ұлы адам. Ол жайында «Елбасы көмекші көзімен» деп аталатын кітап жазамын», - деді К.Мәсімов.

Оның атап өтуінше, кітап барынша қызықты болмақ.

«Жабық» беттері бар кітап қызықты болады», - деді ҚР ҰҚК төрағасы. 

Айта кетейік, Кәрім Мәсімов 2016 жылдың 8 қыркүйегінде еліміздің Ұлттық қауіпсіздік комитетінің төрағасы болып тағайындалған еді.

Кәрім Қажымқанұлы 2003-2006 жылдары Нұрсұлтан Назарбаевтың көмекшісі, премьер-министрдің орынбасары болған еді. Сонымен қатар ол 2007-2012 және 2014-2016 жылдары екі рет ел Үкіметін басқарды. ҚР Президенті Әкімшілігіне жетекшілік етті.