Қазақ-қырғыз шекарасынан өту тәртібі өзгереді

inform.kz

Бұл туралы Қырғыз елінің мемлекеттік шекара қызметі хабарлады

Көрші елдерге жол тартқалы жатқан азаматтар үшін маңызды ақпарат. Қазақ-қырғыз шекарасынан өту тәртібі өзгереді, деп хабарлайды Almaty.tv.

20 қазаннан бастап екі елдің кәмелетке толмаған азаматтары шекарадан тек төлқұжат арқылы өте алады. Бұл туралы Қырғыз елінің мемлекеттік шекара қызметі хабарлады. Осылайша, Қырғызстан мен Қазақстанның кәмелетке толмаған азаматтарының туу туралы куәлігі енді екі ел арасындағы әуе қатынасын қоса алғанда, мемлекеттік шекараны кесіп өтуге құқық беретін құжат ретінде есептелмейді.