Меншікті өндіріс
Біз әлеуметтік желілердеміз
Мемлекет басшысы Израиль Президентіне Халықаралық Холокост құрбандарын еске алу күніне орай жеделхат жолдады
27.01.2026 10:04
пресс-служба Акорды
Мемлекет басшысы Израиль Президенті Ицхак Герцогқа Халықаралық Холокост құрбандарын еске алу күніне орай жеделхат жолдады, - деп хабарлайды Аlmaty.tv. Ақорданың баспасөз қызметіне сілтеме жасап.
Қасым-Жомарт Тоқаев жеделхатта Қазақстан халқы Холокост жылдарында қаза болған миллиондаған жазықсыз құрбанды еске алатынын атап өтті.
"Еліміз этникалық және діни өшпенділік пен зорлық-зомбылықтың кез келген түрін қатаң айыптайды, адамзатқа қарсы мұндай қылмыстың қайталануына жол бермеу жөніндегі халықаралық қоғамдастықтың ортақ күш-жігерін қолдайды. Қазақстан Холокост жылдарында жер аударылған көптеген еврейге мекен болды. Бүгінде еврей қауымдастығы қоғамымыздың ажырамас бөлігі саналады", – делінген жеделхатта.
Оқи отырыңыз: Президент Бейбітшілік кеңесінің Жарғысына қол қойды