ЕАЭО форумында Astana Smart City және Alem GPT жобалары ұсынылды

ЕАЭО-ға мүше мемлекеттердің басшылары Еуразиялық экономикалық форум көрмесіне барды, деп хабарлайды Аlmaty.tv.

Форум аясында Қазақстан, Ресей, Беларусь, Қырғызстан президенттері мен делегация басшыларына озық технологиялық және цифрлық шешімдер көрмесі, сондай-ақ Alem.ai халықаралық жасанды интеллект орталығының мүмкіндіктері таныстырылды.

Құрметті қонақтар жасанды интеллект музейінің экспозициясымен және ЕАЭО-ға қатысушы елдердің стендтерімен танысты.

Қазақстан тарапы цифрландыру және жасанды интеллект саласындағы негізгі бастамаларын, оның ішінде Astana Smart City, Alem GPT, Smart Data Finance, Smart Cargo+Keden және басқа да жобаларды ұсынды.