Қазақстан мен Ресей – өзара сенімді, стратегиялық серіктестер әрі одақтастар - Қасым-Жомарт Тоқаев

Қазақстан мен Ресей басшылары Орал қаласында өтіп жатқан XXI өңіраралық форумының пленарлық сессиясына бейнебайланыс арқылы қатысты, деп хабарлайды Аlmaty.tv Ақорданың баспасөз қызметіне сілтеме жасап.

Биылғы форумның тақырыбы – «Жұмысшы мамандықтары – экономикалық өсімнің қозғаушы күші».

Қазақстан Президенті Қасым-Жомарт Тоқаев форум барысында сөйлеген сөзінде «Қазақстан мен Ресей – өзара сенімді, уақыт тезінен өткен стратегиялық серіктестер әрі одақтастар» екенін атап өтті.

«Біздің елдеріміздің тарихи тамыры, өткені мен құндылықтары ортақ. Қос халықтың достығы – тағдырдың жазуы», - делінген хабарламада.

Барлық деңгейде сенімді диалог жүргізудің арқасында Қазақстан-Ресей ынтымақтастығының мән-мазмұны ұдайы толығып келеді.

«Екі елге ортақ әлемдегі ең ұзын құрлық арқылы өтетін шекара – халықтарымыздың мәңгілік достығы мен тату көршілік қарым-қатынасының айғағы. Орайлы сәтті пайдаланып, Форум қызметіне және барлық салада өзара ынтымақтастығымызды нығайтуға әрдайым назар аударып, қолдау көрсеткені үшін Ресей Президентіне алғыс айтамын. Бірге күш-жігер жұмылдыру арқылы алға қойған мақсаттарымызға жететінімізге сенімдімін», - деді Мемлекет басшысы.

Оқи отырыңыз: Қазақстанда алғашқы АЭС құрылысына 9 мыңға жуық маман тартылады