Қасым-Жомарт Тоқаев Эмманюэль Макронмен телефон арқылы сөйлесті

Ақорда

Президенттер БҰҰ-ның 80 жылдығы қарсаңында пікір алмасты

Мемлекет басшысы Франция президентімен телефон арқылы сөйлесті, деп хабарлайды Аlmaty.tv .

Француз тарапының бастамасымен Қазақстан Президенті Қасым-Жомарт Тоқаев Франция Президенті Эмманюэль Макронмен телефон арқылы сөйлесті.

«Мемлекеттер басшылары екіжақты қарым-қатынастың қарқынды өрбіп келе жатқанын атап өтіп, сауда-экономикалық ынтымақтастықты одан әрі дамыту үшін бірлесе жұмыс істеуге уағдаласты», - делінген хабарламада.

Сондай-ақ президенттер Біріккен Ұлттар Ұйымының 80 жылдығы қарсаңында халықаралық күн тәртібі жөнінде пікір алмасты.

Оқи отырыңыз: Қазақстанға Иордания королі ресми сапармен келеді