Қазақстанның көк туы Мәскеу көшелерінде желбіреп тұр

Қаладағы көрікті жерлердің бірі – Останкино телемұнарасы біздің байрақпен безендірілді, деп хабарлайды Almaty.tv тілшісі Ақорданың баспасөз қызметіне сілтеме жасап.

Ресей астанасы Президент Қасым-Жомарт Тоқаевтың мемлекеттік сапарына дайындалып жатыр. 

Еске салсақ бүгін Қасым-Жомарт Тоқаев Ресей Федерациясына мемлекеттік сапармен барады. Мемлекет басшысы Президент Владимир Путинмен келіссөздер жүргізеді.

Сондай-ақ Орал қаласында өтетін ХХІ Қазақстан мен Ресей өңіраралық ынтымақтастық форумының пленарлық сессиясына бейнебайланыс арқылы қатысады.

Сапар аясында бірқатар екіжақты маңызды құжатқа қол қою жоспарланып отыр.

Оқи отырыңыз: Президенттің Мәскеу сапарында жаңа декларацияға қол қойылады