Президент Қазақстанның бірнеше елдегі елшісін ауыстырды

Мемлекет басшысы Қасым-Жомарт Тоқаев бүгін, 2026 жылғы 22 шілдеде бірқатар кадрлық өзгеріс туралы жарлықтарға қол қойды, деп хабарлайды Аlmaty.tv тілшісі.

Бұл туралы Ақорданың баспасөз қызметі хабарлады. 

Мемлекет басшысының жарлығымен:

• Ералы Лұқпанұлы Тоғжанов Қазақстан Республикасының Өзбекстан Республикасындағы төтенше және өкілетті елшісі лауазымына тағайындалды;
• Әлібек Әсетұлы Бақаев Қазақстан Республикасының Ұлыбритания және Солтүстік Ирландия Құрама Корольдігіндегі төтенше және өкілетті елшісі болып тағайындалды, ол бұрынғы атқарған лауазымынан босатылды;
• Амангелді Ғазезұлы Саинов Қазақстан Республикасының Румыниядағы төтенше және өкілетті елшісі лауазымына тағайындалды.

Сондай-ақ Мемлекет басшысының жарлығымен:

• Бейбіт Бәкірұлы Атамқұлов Қазақстан Республикасының Өзбекстан Республикасындағы төтенше және өкілетті елшісі лауазымынан босатылды;
• Ерлік Шәкірұлы Әли Қазақстан Республикасының Румыниядағы төтенше және өкілетті елшісі лауазымынан босатылды.

Оқи отырыңыз: «Ұмай» ипотекасы қайта іске қосылды