Абай даңғылы бойындағы кафеде өрт шықты: ғимаратта 6 газ баллоны сақталған

2 қазан күні Алматыдағы Шәріпов 124 мекен-жайында орналасқан «Тмин» кафесі өртенді, деп хабарлайды Almaty.tv тілшісі. 

Оқиға орнына өрт сөндіру қызметінің 2 көлігі жетті. «Алматы» телеарнасының редакциясына тұрғындар бейнежазба жіберіпті, онда кафеден жанбай қалған 6 газ баллонын шығарып жатқаны көрінеді.

Алдын ала мәлімет бойынша, өрт ғимараттың асүйінен шыққан. Жанып кеткен жердің аумағы мен келген шығын, т.б жайттар қазір анықталуда. Алайда қоғамдық тамақтану орталығы орналасқан үй тұрғындары болған жайттан кейін баллондарды қайтадан ішке кіргізгеніне наразылық танытуда.