Жетісуда жол апатынан екі адам қаза тапты

Көксу ауданындағы Алматы-Өскемен автожолының 211-шақырымында жол апаты болды, деп хабарлайды Almaty.tv.

ІІМ баспасөз қызметінің мәліметінше, Toyota Camry жүргізушісі рөлді басқара алмай, көліктің аударылуына жол бергені алдын ала анықталды. Жол апаты салдарынан жүргізуші мен оның жолаушысы оқиға орнында көз жұмды. Тағы екеуі түрлі жарақатпен облыстық ауруханаға жатқызылды.

Аталған дерек бойынша қажетті сараптамалар тағайындалып, тергеу амалдары басталды.

«Құрметті жүргізушілер, жол қозғалысы ережелерін қатаң сақтаңыздар, жылдамдықты шектен асырмаңыздар», - деп ескертті Төтенше жағдайлар министрлігінен.