|
12.08.2022 | 08:36
2036

Ақмолада сіріңкемен ойнаған екі бала түтінге тұншығып қалды

Қайғылы оқиға кезінде балалардың әкесі жұмыста, ал анасы аз уақытқа дүкенге шығып кеткен

Ақмолада сіріңкемен ойнаған екі бала түтінге тұншығып қалды Фото: ДЧС Акмолинской области

Ақмола облысындағы Жаңа Қима ауылында жер үй өртеніп, екі бала түтінге уланып қалған, деп хабарлайды Almaty.tv.

"Үлкендердің қарауынсыз қалған 3 және 5 жастағы екі бала сіріңкемен ойнап жүріп, жиһазды өртеген. Үйден түтін шығып жатқанын байқап қалған көршілер дереу терезені сындырып, балаларды сыртқа шығарған", - деді облыстық Төтенше жағдайлар департаменті.

Сәбилер бірден Қима ауылдық ауруханасына жіберілген. Алайда, көмірқышқыл газынан уланған балалар медициналық мекемеде есін жимастан жан тапсырған.

Ведомство мәліметінше, қайғылы оқиға кезінде балалардың әкесі жұмыста, ал анасы аз уақытқа дүкенге шығып кеткен.

Ақмола облысының Төтенше жағдайлар департаменті ата-аналарды кішкентай балаларды жалғыз қалдырмауға шақырады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир