Эквадорда ұшақ апатқа ұшырап, 6 адам қайтыс болды

Эквадордың батысында болған әуе апаты салдарынан кем дегенде алты адам қаза тапты, деп хабарлайды Almaty.tv тілшісі ҚазАқпаратқа сілтеме жасап.

Газеттің деректеріне қарағанда, оқыс оқиға сәрсенбі күні күндіз Салитре кантонында (Гуаяс батыс провинциясы) болған. Жеңіл моторлы ұшақ Гуаякиль қаласына бет алған. 

Апат салдарынан экипаждың екі мүшесі мен төрт жолаушы мерт болды. Билік орындары тергеуді бастады.