Қостанай облысында екі адамның сүйегі табылды

Қостанай облысының Қарасу ауданындағы Люблинка ауылында екі адамның қаңқасы табылды, деп хабарлайды Almaty.tv.

Sputnik мәліметінше, оларды жергілікті балықшы тауып, полицияға қоңырау шалған.

Екі адамның сүйектерін эксгумациялау археологиялық тәсілмен жүргізілді. Полиция тергеуге дейінгі тексеріс жүргізіп, адамдардың қайтыс болу себебі мен уақытын анықтайтын сот-медициналық сараптама тағайындады.

Басылым, материалға қарап сүйектер бірнеше жылдар бойы жатқанын түсінуге болатынын жазады. Шамамен 100 жылға жуық уақыт өтті деген болжам жасалып отыр.