|
Oqıǵalar
03.07.2020 | 09:08

Қызылордада Ресейге бет алған жүк көлігі өртеніп кетті

Оқыс оқиға «Самара-Шымкент» тас жолының 1731 шақырымында тіркелді

Қызылордада Ресейге бет алған жүк көлігі өртеніп кетті

Қызылорда облысы Жалағаш ауданына қарасты Аққұм ауылының тұсында Өзбекстаннан Ресейге бет алған жүк көлігі өртеніп кетті, деп хабарлайды Almaty.tv тілшісі ҚазАқпаратқа сілтеме жасап.

Оқыс оқиға «Самара-Шымкент» тас жолының 1731 шақырымында тіркелді. Өзбекстаннан Ресейге бет алған «Mercedes-Benz Actros» маркалы жүк автокөлігі тіркемесімен өртенді. 

«Жүк көлігінде сыпырғы тиелген. Ол толығымен жанды. Өрт сөндіруге төтенше жағдайлар департаменті №11 өрт сөндіру бөлімінің 5 маманы мен 1 техникасы қатыстырылды», –  деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова. 

Бұдан бұрын Қызылордада көпқабатты үйден өрт шығып, 6 адам ауруханаға жеткізілген болатын.

‡агрузка...