Ақтөбе облысында үш бала өзенге батып кетті

Ақтөбе облысында 4-5 жас аралығындағы үш бала Ырғыз өзеніне батып кетті, деп хабарлайды Almaty.tv тілшісі Stan.kz-ке сілтеме жасап.

Қайғылы оқиға 4 маусым күні сағат 19:00 шамасында Ақши ауылынан бір шақырым жерде орын алған.

Мәліметтер бойынша, 2017 және 2018 жылдары туған балалар ересектердің қарауынсыз қалған.

Еске салсақ, жақында ғана Нұр-Сұлтан қаласында Есіл өзеніне екі бала батып кеткен. Сондай-ақ Ақтаудағы Приморский ауылы маңындағы жағажайда 1 жасөспірім суға батып мерт болды, тағы екі баланы тұрғындар аман алып қалған еді.