Атырау облысында екі көлік соқтығысып, бес адам көз жұмды

22 қазанда Атырау облысы Қызылқоға ауданында жол апаты орын алып, салдарынан бес адам көз жұмды, деп хабарлайды Almaty.tv.

22 қазанда сағат 15:00 шамасында Қызылқоға ауданында Сағыз-Миялы облыстық тасжолында Toyota Ipsum және Lada Granta автокөліктері соқтығысты.

"Toyota Ipsum көлігінің 3 жолаушысы және Lada Granta автокөлігінің 2 жолаушысы оқиға орнында қаза тапты. 3 адам түрлі дене жарақатымен аудандық ауруханаға жеткізілді", - деді Атырау облысы ПД баспасөз қызметі.

Полиция қызметкерлері оқиға орнында қызмет атқаруда.

Жол-көлік оқиғасына қатысты тергеу басталды.